SAG-CD's IN 2009 BESKIKBAAR

• Suid-Afrikaans Geslagregisters (SAG) se volume 17 (die laaste vanne tot Z) behoort teen November 2008 te verskyn;
  
• Die vrystelling van SAG-CD's sal hopelik in die eerste helfte van 2009 realiseer.

Hierdie goeie nuus het prof Christo Viljoen, onder-voorsitter van beheerraad van die Genealogies Instituut van Suid-Afrika (GISA), gisteraand aan die Wes-Gautengtak bekendgemaak.

Hy was genader na aanleiding van 'n berig wat hy op 28 Augustus 2008 op SAGEN geplaas oor die omvattende werk aan SAG waarmee GISA tans besig is. Daarin het hy 'n perspektief oor SAG uiteengesit.

Prof Viljoen het hy soos volg geskryf:

"Wanneer die laaste volume van SAG is, is die reeks vanaf A tot Z voltooi. Dit is 'n mylpaal wat geen ander land nog op die gebied van die genealogie bereik het nie.

"Die eerste vier volumes van SAG (dws vanaf vanne A tot K) is nie deur GISA uitgegee nie, maar deur die Raad op Geestelikwetenskaplike Navorsing (RGN) in Pretoria voltooi, met wyle dr JA Heese as redakteur.

"Nadat die RGN sy Afdeling Genealogie gesluit het, is GISA tien jaar gelede gestig en het dit vanaf volume 5 (L - M) aan die SAG reeks voortgewerk.

"Dr Heese se oorspronklike doelwit was bloot om die bloedsamestelling (afkoms) van die Afrikaners vas te stel. Vir daardie doel het hy net belang gehad by die eerste tweehonderd jaar ná die volksplanting. Dit is waarom hy van die kerkrekords gebruik gemaak het en die reeks in 1850 afgesluit is. Die uiteindelike uitgee van die SAG reeks was 'n uitvloeisel van sy oorspronklike oogmerk
.

Vóór die rekenaar

"In die dae voor die rekenaar was alles eers noukeurig op indekskaartjies aangeteken en vandaar per hand in geslagregisters gegiet -- voorwaar 'n monumentale taak wat jare in beslag geneem het. Ek het oneindig baie waardering vir wat wyle dr Heese vermag het met dit tot sy beskikking.

"Dit moet onthou word dat die eerste vier volumes van SAG byna uitsluitlik uit die handgeskrewe Heese-manuskripte saamgestel is -- natuurlik ook met uitsonderings. Wyle dr Heese het buiten De Villiers & Pama se drie dele hoofsaaklik gebruik gemaak van die Kaapse NG Kerk rekords, dws dope en huwelike tot om-en-by 1850 (wat saamval met die Groot Trek). Dit verklaar ook waarom daar so min sterfdatums in die eerste vier dele voorkom.

Hersiening

"GISA se beheerkomitee het besluit dat, sodra die SAG reeks voltooi is, daar met die hersiening van die reeks begin sal word, ook met die oog op die eventuele beskikbaarstelling daarvan via elektroniese middele. Die afsnydatum sal ook later wees as die aanvanklike 1850, dws tot vroeg in die 20st eeu -- ongeveer 1930. Die aanvoorwerk met die hersiening is reeds aan die gang met SAG-1, dws vanne wat met "A", "B" en "C" begin.

891 bladsye se B-vanne

"Die werk is nog lank nie klaar nie. Een voorbeeld illustreer die aansienlike uitgebreidheid van die hersiene reeks: einde Julie vanjaar (toe die De Beer inligting nog nie afgehandel was nie) het die "B"-vanne tot by Bosman 'n allemintige 891 bladsye beslaan. Vergelyk hierdie omvang met die oorspronklike totaal van 428 bladsye met "B"-vanne in SAG vol. 1.

A-vanne

"Die bygewerkte "A"-vanne op GISA se databasis staan nou reeds by nagenoeg 250 bladsye (en word nog daagliks bygewerk tot 1930 en aangevul met bydraes uit die publiek en ander ongepubliseerde bronne).

C-vanne

"Die "C"-vanne het in SAG volume 1 uit 168 bladsye bestaan. Die bygewerkte databasis van "C"-vanne staan reeds op 795 bladsye en nog is dit die einde nie.

Geen Winsoogmerk

"GISA is 'n nie-winsgedrewe organisasie en ontvang geen subsidies of staatsteun nie. Ek hoop dat hierdie inligting 'n beter perspektief sal gee op die goeie werk wat met min personeel en fondse vermag word."

SA GESLAGREGISTERS (Wam -Wy) BESKIKBAAR

GISA maak hiermee bekend dat Volume 16 (Wam-Wy) van die Suid-Afrikaanse Geslagregisters so pas verskyn het. Dit kan bestel word by:

GISA, Posbus 3033, Matieland, 7602

Tel: 021-887 5070 Faks: 021-887 5031

of per e-pos by Elbie Endemann (Bestellings): orders@sun.ac.za

Die prys van die boek is R360 plus R50 (vir posgeld, versekering en verpakking), totaal R410. Vir buitelandse bestellings is die posgeld op aanvraag. Volumes 1-15 is ook beskikbaar teen R360 elk; posgeld kwotasie op aanvraag.

Tjeks uitgemaak aan ‘GISA’, of direkte inbetalings in GISA se rekening kan gedoen word : ABSA Bank Stellenbosch, Takkode: 33 44 10, Spaarrekening nr.: 9090 7597 85, Deposito Verwysing: U naam (dit is belangrik om u betaling op ons bankstaat te identifiseer). Faks bewys van betaling, met u bestelling en posadres, aan GISA of stuur per e-pos aan Elbie Endemann. Laat 6 weke toe vir aflewering gedurende spitstye net na ‘n publikasie.

Navorsers word gevra om asseblief hul bydraes t.o.v. alle vanne wat uitgelaat was in vorige volumes, voor einde Mei 2008 te stuur aan GISA by: Posbus 3033, Matieland, 7602 of e-pos aan: gisa@sun.ac.za om vir insluiting in volume 17 (X-Z & Add.) in aanmerking geneem te word. Geen bydraes daarna sal in aanmerking kom nie, maar laat bydraes sal nietemin op lêer gehou word vir insluiting in 'n heruitgawe op 'n later stadium. Let wel dat omvangryke vanne en vanne wat reeds gepubliseer is, net tot om en by 1900 opgeneem word.

NB laat weet as u e–posadres verander. Stuur u naam en huidige plus nuwe e-posadres.

Leon Endemann, GISA

April 2008

__________________

GISA is happy to announce that Volume 16 (Wam-Wy) of the South African Genealogies, is now available and can be ordered from:

GISA, P O Box 3033, Matieland, 7602

Tel: 021-887 5070 Fax: 021-887 5031

or by e-mail from Elbie Endemann (Orders): orders@sun.ac.za

The price of the book is R360 plus R50 (postage, insurance and packing), totalling R410. Postage on request for overseas orders. Volumes 1-15 are also available at R360 each; postage quote on request.

Cheques to be made out to ‘GISA’, or direct deposits can be made into GISA’s account : ABSA Bank Stellenbosch, Branch Code: 33 44 10, Savings Account no.: 9090 7597 85, Deposit Reference: Your name (this is important to identify your payment on our bank statement). Fax proof of payment, with your order and postal address, to GISA or send by e-mail to Elbie Endemann. Allow 6 weeks for delivery during peak times just after a publication.

Researchers are kindly requested to please submit their contributions for all surnames that were omitted in previous volumes to be considered for inclusion in Volume 17 (X-Z & Add.) to GISA at: P O Box 3033, Matieland, 7602 or e-mail to: gisa@sun.ac.za. These contributions must be in before the end of May 2008. Late contributions will be kept on file for inclusion in a reprint at a later stage. Please note that information on extensive families and those that have already been published will only be included up to more or less 1900.

NB let us know if your e-mail address has changed. Send your name and current plus new e-mail address.

Leon Endemann, GISA

April 2008

GISA: OORSIG VAN 2007 EN HUIDIGE AKTIWITEITE

Die Genealogiese Instituut van Suid-Afrika (GISA) het vandag, 18 Februarie 2008, die volgende verklaring uitgereik.

• TWEE PUBLIKASIES
  

Gedurende die afgelope boekjaar, eindigende Maart 2008, kon die GISA weer eens in sy doelwit slaag om twee publikasies in die SA-Genealogie reeks uit te gee. Dit is SAG vol. 15 (vane Vis-WaL) wat in Augustus 2007 verskyn het en SAG vol. 16 (vanne Wam-Wy) wat binnekort vrygestel sal word. As 'n openingsaanbod het die drukkers hul bereid verklaar om die eerste oplaag van SAG vol. 16 teen verlede jaar se prys (d.i. R360-00 plus R50 binnelands vir posgeld en versekering) beskikbaar te stel. Alle herdukke hierna sal duurder wees. Maak dus nou reeds u inbetaling of stuur u tjek aan GISA om van hierdie spesiale aanbod gebruik te kan maak.

• ELEKTRONIESE OPGRADERING
  

GISA betree 'n nuwe fase in die elektroniese eeu met die opgradering van sy fasiliteite waarmee reeds 'n begin gemaak is. Honderde DVD's waarop kerkregisters wat nie voorheen mikroverfilm was nie, is deur die Genealogical Society of Utah (GSU) aan GISA beskikbaar gestel as deel van hul omvangryke projek om uiteindelik alle SA genealogiese bronne elektronies vas te lê. Vir hierdie doel is sewe rekenaars/werkstasies ook deur die GSU aan GISA geskenk. 'n Bediener is ook aangekoop waarop hierdie data oorgelaai gaan word. Navorsers sal, sodra die opgradering voltooi is, in staat gestel word om deur die kerkregisters te blaai en afdrukke te maak van bv. 'n doop- of huwelik inskrywing vir eie gebruik. Die sewe rekenaar-werkstasies vervang sewe uitgediende mikrofilmlesers. Tot tyd en wyl word daar nog sewe lesers behou vir die soek en oplees van inskrywings op mikrofilm. Ook hulle sal uiteindelik plek moet maak vir verdere rekenaar-werkstasies sodra alle films na elektroniese formaat oorgedra is.

• OPDATERING VAN EERSTE VIER VOLUMES (SAG-REEKS)
  

Daarbenewens is GISA sedert die tweede helfte van verlede jaar besig met die daarstelling van 'n databasis vir die bywerk, regstelling en opdatering van die eerste vier volumes van die SAG reeks (vanne A-K). By voltooiing sal dit inligting bevat vanaf die aankoms van die stamvader tot en met 1930. SAG vol. 1 (vanne A - C) Die bywerking is reeds in 'n gevorderde stadium. Die inhoudelike daarvan bevat meer as drie maal die oorspronklike inligting. Dieselfde toename in gegewens word ook vir die drie ander volumes in die vooruitsig gestel. Die gedagte is dat die huidige SAG-boekereeks behoue sal bly, maar dat gedeeltes of 'n kombinasie van vanne (families) op CD/DVD en/of boekvorm van GISA uit die steeds groeiende databasis bestel sal kan word.

Aangesien daar nie 'n afsnydatum sal wees waarvoor bydraes ontvang moet word nie, sal die bywerking en opdatering van die databasis op 'n deurlopernde basis hanteer sal word. Daar word beoog dat die databasis binne 'n jaar ook op internet beskikbaar gestel word, met betaalde toegang sodat navorsers van oral toegang tot die inligting kan verkry. U familie bydraes aan GISA om die opdatering en bywerking van die projek haalbaar te maak, is vir die Instituut van onskatbare waarde. Sodoende sal die die hele huidige boekereeks onder die loep kom.

'n Dringende beroep word ook op u gedoen om families of gedeeltes van families wat in voorafgaande volumes 1 tot 16 van die SAG reeks per abuis uitgelaat was (of nie beskikbaar was vir insluiting nie) ook nou aan GISA te stuur. Die gedagte is om hierdie ontbrekende families of gedeeltes van families in SAG vol. 17 (vanne X-Z en Addenda) op te neem.

• HERDRUK
  

Die herdruk van die genealogiese boekereeks nrs 1-38 wat destyds deur die RGN uitgegee was en waarvan die kopiereg regtens deur die RGN aan GISA oorgedra is, geniet tans aandag. Die nasate van die Rynse sendelinge in Suid-Afrika, die Bruwer, Nienaber en Kotzee boeke is op bestellling in sagteband beskikbaar. Vier tot ses weke tyd word verlang vir die afhandeling van bestellings van herdrukke.

• NIE-BELASBARE INSTANSIE
  

GISA is onlangs finaal deur SARS van belasting en aksyns (invoerregte) vrygestel wat beteken dat ons nou amptelik geregistreer is as 'n nie-belasbare instansie ("public benefit organization") in terme van deel 10 (1) (cN) van die belastingwet. Skenkers kan voortaan ook belastingkorting ontvang op skenkings of nalatenskappe aan GISA.

Leon Endemann, 18 Februarie 2008